1. 教城討論區」部分討論區之服務將於2021年2月1日正式停用,主要為討論主題已過時或使用率極低的討論區,包括「生涯規劃討論區」。若您需要備份內容,請於上述日期前自行儲存。如有任何查詢,歡迎致電 2624 1000或電郵至info@edcity.hk與我們聯絡。

    感謝您的使用及支持!

    Some forums under ‘HKEdCity Forums’ will be decommissioned on 1 February 2021. They are mostly forums with outdated discussion topics or extremely low usage, including ‘生涯規劃討論區’. If you need to back up your contents, please save them before this date. For any enquiries, please contact us on 2624 1000 or info@edcity.hk.

    Thank you for your support.

    排除通知

【DSE反常識Cap圖集】常見化學誤解:食鹼性生果可以抗肺炎?DSE Chem化學

本文由 1g644 在 2020-06-28 發表於 "生涯規劃討論區" 討論區

  1. 58913560

    1g644
    Expand Collapse

    文章:
    19
    讚:
    0


    最近武漢肺炎肆虐,每個人都各出奇招抵抗疫情話說喺網上流傳呢張圖,教大家食唔同嘅生果就可以靠一啲鹹性嘅食物擊倒病毒。小編望一望呢幅圖,真係汗都標埋出嚟估唔到平時食開嘅生果竟然仲危險過工業原料

    最近武漢肺炎肆虐,每個人都各出奇招抵抗疫情。話說喺網上流傳呢張圖,教大家食唔同嘅生果就可以靠一啲鹹性嘅食物擊倒武漢肺炎隻病毒。小編望一望呢幅圖,真係汗都標埋出嚟估唔到平時食開嘅生果竟然仲危險過工業原料!

    為咗保障大家食物安全,小編決定同大家講解乜嘢係PH、酸鹼等概念,順便同大家溫習一次DSE Chem化學嘅酸鹹課

    咩係ph? 咩係酸/?

    pH其實係一個溶液入邊H+(氫)離子嘅濃度,濃度越高, pH值越低,就係所謂嘅酸性。

    H+離子其實只係一個帶正電嘅質子,當任何負電嘅物質喺佢隔離,佢就非常容易會黐咗落去,改變左原本物質嘅結構,呢個就係大家所謂嘅腐蝕性

    大家都知道水嘅方程式係H2O,所以一個溶液入面亦都會有另一種OH-嘅離子。佢哋嘅濃度係平衡嘅,一種例子嘅濃度高,另一種離子濃度就會低。咁例如,如果一個溶液入邊H+嘅濃度極度越低,佢嘅pH值就會越高,同時另一種OH-離子嘅濃度都會越高,呢個就係平時講嘅鹼性。

    有啲物質溶解落水之後,佢會係水入面產生H+離子,或者同H+離子結合,咁就會改變到溶液嘅H+濃度同埋pH值。 pH值正常係由014,而中間點係7,即係純水。但係一啲非常強力嘅化學品亦都可以低過0或者高過14。講緊係強硫酸、氫氧化鈉等等嘅工業用化學品。

    咁關武漢肺炎咩事?

    而呢個Post入面嘅冠狀病毒溶咗水係唔會對H+濃度有影響,所以佢係無PH嘅只不過呢一隻病毒喺pH7附近嘅時候會最容易可以複製,呢個好正常,大多數病毒係酸性或者鹼性嘅環境都會變得非常唔活躍,無法發揮應有嘅生理反應 (denature)。 至於下面嘅一堆pH值,的確全部都係鹼性嘅數字。但係望一望啲生果,幾時開始酸橙變咗鹹橙、檸檬同支洗潔精差唔多pH值,最恐怖係蒲公英嘅pH值仲高過工業廢水

    事實上,上述食物都係酸性,佢地嘅pH值全部都應該細過7。例如檸檬嘅PH大概係2.0,因為佢入邊有好濃嘅檸檬酸。而橙同菠蘿大概係3.6,橘子大概係3.9,因為佢哋入邊有果酸。熟咗嘅芒果同埋大蒜都係5.8 ,牛油果係6.3,接近中性。至於萬眾期待嘅蒲公英,我都搵唔到佢嘅pH值,不過會係微微酸性

    希望睇完呢個post之後冇讀過化學嘅同學都知道呢個Whatsapp訊息有幾好笑,順便都可以掌握一啲最基本嘅化學常識,小心唔好食穿個胃

    如果未來見到有其他笑料,我哋都會擺上嚟同大家講解下!大家記得like同埋follow我哋Flowsophic啊!

    Flowsophic 有各種大師級學習資源 (齊全Past Paper、筆記範本、IES等等),等你容易啲搵到晒唔使煩!我哋都會upload好多DSE技巧、大學生活、科目分享等,記得bookmark我哋網站定期check吓有咩更新!