1. 教城討論區」部分討論區之服務將於2021年2月1日正式停用,主要為討論主題已過時或使用率極低的討論區,包括「生涯規劃討論區」。若您需要備份內容,請於上述日期前自行儲存。如有任何查詢,歡迎致電 2624 1000或電郵至info@edcity.hk與我們聯絡。

    感謝您的使用及支持!

    Some forums under ‘HKEdCity Forums’ will be decommissioned on 1 February 2021. They are mostly forums with outdated discussion topics or extremely low usage, including ‘生涯規劃討論區’. If you need to back up your contents, please save them before this date. For any enquiries, please contact us on 2624 1000 or info@edcity.hk.

    Thank you for your support.

    排除通知

【DSE 溫書101】試試「蕃茄工作法」,讀書工作不再分心!

本文由 1g644 在 2020-06-27 發表於 "生涯規劃討論區" 討論區

  1. 58913560

    1g644
    Expand Collapse

    文章:
    19
    讚:
    0
    DSE 溫書101】試試「蕃茄工作法」,讀書工作不再分心!
    如果大家有睇我上一個post,應該都會見到我有預告左一個叫「蕃茄工作法」既東西,究竟一個蕃茄可以點樣幫到你去DSE讀書同工作呢?「蕃茄工作法」的方法入面既蕃茄並唔係真係食得既蕃茄,而係源於大家細個時候見過蕃茄型狀的倒數計時器 (請睇圖)。
    呢個「蕃茄工作法」,在下午時候大家開始温到累時係特別有效既。依家就同大家開始實行呢套方法!


    你要準備既物資:

    計時器 (電話都得)
    一張紙
    一支筆
    成個步驟:

    訂立幾個目標並將佢寫係一張紙上面
    先揀一個最先要完成既目標
    將計時器設定為25分鐘,開始計時 (稱為一個蕃茄時間)
    極專心讀書/工作,完成揀左既目標
    計時器響,停止工作,係揀左既目標隔黎畫一個剔
    休息3-5分鐘,飲杯水,碌下手機
    重覆 (3) – (6)
    如果目標已經完成,將目標刪走,但保留啲剔
    繼續重覆 (3) – (6)
    如果已經畫左4個剔,休息25分鐘,出去行一行,番黎刪走4個剔,重新做 (3) – (9)‍
    當你將紙上面所有目標都刪走哂你就可以收工了!
    就係咁!一開始定立既目標非常重要,如果大家有睇過我以前既分享應該都會知道目標既重要性 (#ffstudyplan)
    你既目標要係數得到同埋係幾個鐘內做得哂,例如你係下午要温完chem既redox reactions,又或者係要睇完出師表同廉頗藺相如既YY筆記,又或者係做完一份數學MC Past Paper等,又或者係睇一本英文書到50頁。

    在你開始工作前,清理你既工作環境,關掉所有遊戲、社交網站等,並將你的手機放在遠處。確保在期間認真工作,如果你係25分鐘內分左心,咁計時器響既時候休息完之後就唔好畫剔,迫自己一定要全程認真工作先可以有最後既大休息。

    我講一講點解大家需要呢方法!之前同你地傾計既時候,都大致知道你地温習最大既弊病就係分心,同漫無目的咁温書,以下就係呢套方法既好處!

    打散一個大目標,有清晰既小目標,係25分鐘內你清楚知道你要做既事‍,確保所有時間都用係同一件事身上。
    更加專注。25分鐘係正常人可以全神貫注既時間,你絕對可以頂到入25分鐘內唔被打斷,訓練決心。
    確保有適時同有規律既休息。如果不斷工作而唔休息,好可能最後會直接訓覺放棄‍。每次蕃茄時間之後既休息都可以係當作獎勵推動自己。
    大家不妨回到家後立即在明天不用上課的時間實行這個方法,從中計劃、跟隨進度、記錄進度、審視進度。