好唔開心

有無人要一個人全日去守圖書館?仲要星期一至五每日一至六堂去看守平均廿人的自修學生, 中午得15min吃飯........我是否要轉工?
所有圖書館ge野都要做無人幫.......

 

STELLA,

明白你一定好辛苦，想想同學在你的館借到心愛圖書時的愉快表情，辛勞是不是值得！

能不能找到家長義工幫手？

柯老Ｄ

 

中午只有15分鐘吃飯, 是否觸犯了勞工條例?

 

值得查一查。

 

當初校方跟你簽合約時, 話俾幾多食飯(休息)時間你架? 當時只俾十五分鐘你都同意了嗎?

 

當然不是啦..我以前1小時LUNCH.....lunch time 你們不開放嗎?lunch 前一堂又有自修學生要看守他們........我想過close (lunch time)但又不行...同老闆講...佢居然叫我揾其他老師幫手.......我都做到好吃力

 

找家長義工,成立圖書館(學生)大使,只有找外力幫手才是出路。

 

老闆叫你搵其他老師幫手? 為何你唔搵呀? 搵學生幫手看唔得咩?

 

我以前的那間只有10分鐘吃飯，有時一邊吃一面開館也試過！
kc

 

我個間以前係學生午飯時間我當值半小時
到我食飯就唔開

 

學校圖書館真係令人失望的地方, 你的圖書館主任講埋的咁唔負責說話, 叫你找其他老師, 乜間館唔係TL 負責架咩? 作為下屬有事, 老細竟然叫你找外人幫, 簡直不知所謂!! 你真係要考慮係咪轉工或轉行, 但目前要解決的問題, 係你要同你老細好認真的講清楚, 見工時係有1小時吃飯時間, 而家無, 叫佢想辦法解決, 如果你真係無左份工唔得, 你唯有啞忍, 否則, 你只有同校長講此問題, 順導有心理預備唔撈份工.

 

你是中學還是小學的圖書館主任? 可否自行調動午飯時間? 可否提出多個解決方案與校長商量呢? 永遠將問題要上司為你解決, 這不是辦法的,
可否坐低同校長說明你日常的工作? 有些校長可能仍然當我們是打雜, 代課老師......告訴校長每天你要處理圖書, 推廣閱讀活動, 教授資訊技巧, 和老師協作教學 (例如:專題研習...), 訓練圖書館領袖生......向校長及老師推銷一下你的工作, 這個年頭, 默默工作是不行的.
記著, 閱讀是教改四大關鍵項目之一, 圖書館主任的責任是很重的.

 

閣下沒有表明身份，究竟你的職位是圖書館主任？圖書館助理？圖書館文員？
因為若是圖書館主任，身份等同教師，沒有理由會受如此對待。
請看看合約是什麼。
如果你是文員或是助理，也該有合約列明。
我建議你找教協法律顧問。
若是真的不合理，我會轉工。

 

我是圖書館文員, 無圖書館主任.......我唔夠膽講甘多,怕有同事看到轉返去.......但我真的好需要份工

 

這是一間奇怪的學校，為什麼圖書館只由文員負責？
有關圖書館的工作由誰來做？
學校文員也有個較高級的，有沒有和他或她商量？是否可以在食飯時間調一個人來，讓你可以有一小時午飯？
為什麼好像是一間冷血的學校？
很多疑點。

 

各位也不要多追問"好唔開心"同工太多詳情了, 我完全明白她/他的處境呢, 有可能這位同工讀過圖書館學, 又或者佢的校長不太重視圖書館, 覺得只是由個文員來管理一下便可以吧, 每間學校政策不同, 總有他們的原因...我相信呢位同工也只是吐吐苦水, 因為一家唔知一家事呢, 唉

 

好理解呢位同工既感受，我諗你要俾上司知道個問題，請佢搵其他人幫下你手。食飯可以安排o係lunch time之前食，可以搵其他人頂住睇自修學生(Office一定有人食早食晏)。
我都試過想去toilet、去斟水(要落2層樓)等左好耐都唔去得，因為有學生o係館，有時個主任又唔知去左邊，真係有苦自己知。
助理仲要安排校工做o野、set機，你又聽過未？

 

(舉手答) 我聽過, 我就是cat同工口中那一類, 打雜咁全部都要做, 我也要在學生午飯時當值, 老細無規定我吃午飯時間, 叫我自己執生1,總之自行計番一小時食飯/休息便可(總之我的吃飯時間可以無定)

 

我都係一間小學既圖書館助理~~都有你上述既情況~~我都好你少少既...有25mins左右的食飯時間...即使合約寫係1 hr...但唔通有人黎用圖書館上堂, 小息有學生入黎你可以唔做野?
做得呢個位既都係咁上下架啦...
同上司講....真係"多一事不如少一事"
一係就忍一係就轉工

 

Satsuki，如果一日半日係咁就算o者，成日係咁又啞忍唔出聲會俾人以為係應份架。曾經聽過有個老師咁講：我都無一個鐘頭食飯啦，真小家子！大家職位薪酬都唔同點可以咁比。爭取應有既權利有乜o野唔o岩？