1. 教城討論區」部分討論區之服務將於2021年2月1日正式停用,主要為討論主題已過時或使用率極低的討論區,包括「生涯規劃討論區」。若您需要備份內容,請於上述日期前自行儲存。如有任何查詢,歡迎致電 2624 1000或電郵至info@edcity.hk與我們聯絡。

    感謝您的使用及支持!

    Some forums under ‘HKEdCity Forums’ will be decommissioned on 1 February 2021. They are mostly forums with outdated discussion topics or extremely low usage, including ‘生涯規劃討論區’. If you need to back up your contents, please save them before this date. For any enquiries, please contact us on 2624 1000 or info@edcity.hk.

    Thank you for your support.

    排除通知

DSE 2020對你的意義又係咩? | 四種考生,四種意義。

本文由 1g644 在 2020-06-28 發表於 "生涯規劃討論區" 討論區

  1. 58913560

    1g644
    Expand Collapse

    文章:
    19
    讚:
    0
    黎到距離DSE 2020開考最後幾日,好似終於見到呢段旅程嘅終點。

    過去幾年間,DSE帶比大家無數嘅壓力同煩惱。有幾多次因為溫唔切書而要通頂、因為成績差而傷心過、又或者因為補習而錯失左同朋友相處嘅時間?辛苦左咁耐,你又有無諗過,究竟呢個費盡大家心神嘅公開試對大家黎講有咩意義呢?為左讀完中學?為左入大學?為左同女神入同一科?為左屋企人嘅期望?我都答唔到,更何況係要應付DSE嘅你地。

    我諗此時此刻,今屆DSE 2020考生大概可以分為四種人、四種唔同意義。

    1. WFC
    DSE唔重要,唔洗讀大學都可以成功。無壓力,唔洗溫,到時識做幾多就做幾多。反正溫習時間都唔夠,咁就索性唔溫罷了。你溫到咁大壓力?咁你一定係唔知咩叫「Relax」。


    佢地已經接受左自己唔會溫得切,亦唔會係DSE成功嘅事實。DSE對佢地嘅意義,我諗係無。DSE同平時學校考試無分別,因為炒左、掂左,日子都係咁過。抱住「等運到」嘅心態,入到間Asso嘅話到時再讀。只不過,當全香港學生有多一個月時間溫習,而佢地仍然原地踏步、「處之泰然」嘅時候,最後只會被公開試制度所唾棄。

    2. 求L其
    係Study Leave開始嘅時候幾有動力,會迫自己溫書。只不過,一見到身邊有朋友hea下hea下,就突然覺得唔讀書都無罪疚感。一收到延期嘅消息,立即崩潰,覺得頂唔到落去,之後求其讀少少,過到自己嗰關就算。


    DSE對佢地嘅意義係一種責任,係一種負累。「因為我讀完中學,所以我都要考DSE」。佢地嘅目標唔係要係DSE考得好,而係考完DSE。所以當計劃有變,自然多左個藉口:習我就溫咁多姐,你比多啲時間我都唔會溫多啲。如果只係當DSE係一個阻住自己享受人生嘅障礙,咁出黎嘅成績都只會頂盡係「過到關」,大部份只會失望,無得選擇自己想讀嘅科。

    3. 頂硬上
    明白DSE嘅重要性,知道如果DSE考得唔好,之後嘅人生路會辛苦好多。想係DSE成功嘅原因除左係個人成就外,亦唔想支持左自己咁多年嘅屋企人同老師失望。每日都諗住如果DSE考得差嘅話自己之後要捱幾年,身邊人亦會睇唔起自己。所以,即使讀書再辛苦、再大壓力,都會堅持落去。


    DSE對佢地嘅意義,好可能係一種唔想失敗嘅心態,唔想衰比人睇。呢種心態比左自己動力同埋更大嘅壓力。為左DSE,大家願意全情投入,會用盡每日所有時間溫習、制訂時間表、四出搵補習。如果哂左時間係唔係讀書嘅活動,會覺得自責。

    如果你去到延期後嘅依刻仲係呢一種人,我需要恭喜你。要係一件事做得好,你必先要著緊佢。你因DSE而有壓力,正正係因為你重視呢個試,你重視你一直以來嘅付出,你唔想白費自己六年嘅青春。呢種精神上嘅投入,係可以帶領不斷進步,係DSE跑出。我只希望你唔好比呢份壓力拖累,溫習到累,適時休息,重拾動力。記住考完唔好Check答案同唔好討論,唔好有一絲「失敗」嘅念頭係腦海中閃過。咁先唔會變成第二種人,可以支撐得更耐。我相信你地去到DSE考完嗰日之前都可出盡全力,凱旋而歸。

    4. 積極型
    佢好清楚DSE重要性,知道如果DSE考得好,之後嘅人生路會輕鬆好多,亦係一件值得自豪嘅事,對得住身邊人。因此,佢地想成功。即使有壓力,但偶而會享受讀書,會跟隨自己時間表溫習,每日好有規律地生活,仲會鼓勵身邊人讀書。


    DSE對佢地嘅意義唔只係成功嘅踏腳石,而係試驗緊自己嘅學習能力。佢地望到嘅,係DSE考得好、受眾人敬仰嘅自己。對佢地黎講,讀書係一種增值自我嘅活動,只有將學習變成習慣,先可以持久地做落去。好多人會叫你以「平常心」應付DSE,並唔係叫你好似第一種人完全唔care DSE,而係希望大家唔好當DSE係人生最終目標。DSE係人生中一個好大嘅考驗,成功與否,都唔會放棄其本質 — 終身學習。

    我相信會用Studygram、睇到我呢個Post嘅大家,都一定對學習有相當嘅熱誠。只可惜,隨住時間過去,只會越黎越多人由第四類慢慢變做第一類,可以堅持到最後嘅人都會越黎越少。

    你估係DSE考期,邊啲人可以笑到最後?邊啲人係DSE完左之後仲可以好自豪咁同人分享自己當年嘅血淚史?我希望大家係一個月後回望DSE,會覺得係一個一生人一次嘅經驗,而唔係一份遺憾。共勉之。
     
  2. 58842138

    sw642
    Expand Collapse

    文章:
    60
    讚:
    0
  3. 58676702

    nickname-ttt-677789
    Expand Collapse

    文章:
    745
    讚:
    0
    :hearteyes::hearteyes::hearteyes::hearteyes::hearteyes::hearteyes::hearteyes::hearteyes::hearteyes::hearteyes::hearteyes::hearteyes::hearteyes:
     
    #3 nickname-ttt-677789, 2020-08-01